Find the latest bookmaker offers available across all uk gambling sites www.bets.zone Read the reviews and compare sites to quickly discover the perfect account for you.
குவைத் தேசிய & விடுதலை நாள் சிறப்பு நிகழ்ச்சி- Live




Home / Uncategorized / உங்களுக்குத் தெரியுமா? / கவிக்கோ…. இவர்தான் கவிக்கோ…. – பரங்கிப்பேட்டை கலீல் பாகவீ

கவிக்கோ…. இவர்தான் கவிக்கோ…. – பரங்கிப்பேட்டை கலீல் பாகவீ

கவிக்கோ…. இவர்தான் கவிக்கோ….

– பரங்கிப்பேட்டை கலீல் பாகவீ

-மதுரையில் உதித்த தமிழ் மாணிக்கம்
– வாணியம்பாடியில் பறந்த வானம்பாடி
– இவர் விதைபோல் விழுந்தவர்
– இவர் முட்டைவாசிகளின் உட்கரு

– பூக்காலம் தந்த கவிகளின் கார்காலம்
– இவரே முத்தமிழின் முகவரி
– சொந்தச் சிறைகள் இவரின் சிந்தனைகள்
– மரணம் முற்றுப்புள்ளி அல்ல இவருக்கும்

– பால்வீதியில் உலாவச் செய்த படைப்பாளி
– நேயர் விருப்பம் தந்த நேசர்
– சுட்டுவிரல் சுட்டும் சூரியன்
– ஆலாபனை பாடிய ஏவுகனை

– பித்தன் கொடுத்த சித்தன்
– மின்மினிகளால் ஒரு கடிதம் எழுதியவர்
– ரகசிய பூ அளிக்கும் ரசிகன்
– பறவையின் பாதை தேடும் பயணி

– இறந்ததால் பிறந்தவன் தந்த வல்லவர்
– தேவகானம் பாடிய கவிக்குயில்
– பாலை நிலா வழங்கிய பசுமை
– அவளுக்கு நிலா என்று பெயர் வைத்த கலா ரசிகர்

– விலங்குகள் இல்லாத கவிதை தந்த மனிதன்
– கரைகளே நதியாவதில்லை என கவலைப்பட்டவர்
– பூப்படைந்த சபதத்திற்கு பூச்சூடியவர்
– தொலைப்பேசிக் கண்ணீரில் தன்னை தொலைக்காதவர்

– காற்று என் மனைவி என்ற இயற்கை பிரியர்
– உறங்கும் அழகியை உலகிற்கு தந்தவர்
– நெருப்பை அணைக்கும் நெருப்பு இதுவே இவரின் தனிச்சிறப்பு
– பசி எந்தச் சாதி என விழிப்புணர்ச்சி செய்தவர்

– நிலவிலிருந்து வந்தவனை அறிமுகம் செய்தவர்
– கடவுளின் முகவரியை காண்பித்தவர்
– முத்தங்கள் ஓய்வதில்லை என முழங்கியவர்
– காக்கைச் சோறு படைத்திட்ட பண்பாளர்

– சோதிமிகு நவகவிதை தந்த போதி புத்தர்
– சிலந்தியின் வீடு கண்ட சிந்தனையாளர்
– இது சிறகுகளின் நேரம் என சிந்தித்தவர்
– இல்லையிலும் இருக்கிறான் என்ற இறைஞானி

– தட்டாதே திறந்திருக்கிறது என ஆர்வமூட்டியவர்
– எம்மொழி செம்மொழி என்ற உண்மைத் தமிழர்
– புதுக்கவிதையில் குறியீடு! இவரின் பூரண வெளிப்பாடு
– கம்பனின் அரசியல் கோட்பாடு! புதிய இலக்கிய புறப்பாடு

– குணங்குடியார் பாடற்கோவை பதிப்பித்த கவிக்கோவை
– கவியரசர் பாரி விருது பெற்ற கவிராயர்
– தமிழன்னை விருது பெற்ற கவி அன்னை
– பாரதிதாசன் விருது பெற்ற பாரதியார்

– கலைமாமணி விருது பெற்ற மாசிலாமணி
– அக்ஷர விருது பெற்ற கவி நக்ஷத்திரா
– சிற்பி விருது பெற்ற கவி சிற்பம்
– கலைஞர் விருது பெற்ற இளைஞர்

– ராணா இலக்கிய விருது பெற்ற கவி கானா
– சாகித்ய அகாடமி விருது பெற்ற கவி சாணக்கியர்
– கம்ப காவலர் விருது பெற்ற கவிக்காவலர்
– பொதிகை விருது பெற்ற பண்பாளர்

– கம்பர் விருது பெற்ற காவிய கவிஞர்
– சி.பா. ஆதித்தனார் இலக்கிய பரிசு பெற்ற சாதனையாளர்
– உமறு புலவர் விருது பெற்ற பெரும்புலவர்
– அண்ணா கவியரங்கங்குகளின் கவி அண்ணன்

– மதுரையில் தமிழ்நாட்டை நடத்தியவர்
– சென்னையில் தமிழனை நடக்க வைத்து
– மக்களுக்கு நேசனாக மாற்றி
– கவிக்கோவாக வலம் வந்தவர்

– சிவகங்கையில் அன்னத்தை தூது விட்டவர்
– சமநிலைச் சமுதாயம் உருவாக ஆலோசனை சொல்பவர்
– தமிழ் ஆசிரியர் பணியில் தன்னை கரைத்தவர்
– தமிழ்த்துறைத் தலைவராக பரிணமித்தவர்

– ஜுனியர் போஸ்ட்டின் சீனியர் கவி ஆஃபிஸர்
– ஜுனியர் விகடனில் சீனியராக எழுதியவர்
– பாக்யாவில் பவனி வந்த பாட்டரசர்
– குமுதம் ரிப்போர்ட்டரின் பூக்கால செய்தியாளர்

– சன் தொலைக்காட்சியின் கவி ஞாயிறு
– விண் தொலைக்காட்சியின் கவி சந்திரன்
– கவிராத்திரி கவியரங்க கதாநாயகன்
– புதுக்கவிதைகளை தந்திட்ட புதுமைப்பித்தன்

– உருதுக் கவிதைகளுக்கு தமிழில் உரு கொடுத்தவர்
– கஸல் வடித்த தமிழின் கவி அஸல்
– நஜ்ம் வடிவங்களை அறிமுகப்படுத்திய கவி நட்சத்திரம்
– ஜப்பானிய ஹைக்கூ தந்த தமிழ் கவிதை ரோபோ

– மீமெய்ம்மை இயல் தந்திட்ட கவி விஞ்ஞானி
– இரு சீர் ஓர் அடி கற்றுக் கொடுத்த இலக்கணவாதி
– புது கவிதையில் குறியீடு தந்த புதுக்கவிஞன்
– தமிழில் நவீன இலக்கியம் வடித்த இலக்கியவாதி

– ஆறாவது விரலுடைய ஏழாவது அறிவுடையவர்
– சமய நல்லிணக்கம் சமைத்திட்ட கலைஞன்
– சீவக சிந்தாமணியை சிதறாதமல் தந்த சிந்தனைவாதி
– திருக்குறளை திக்கெட்டும் பரப்பிய கவி வள்ளுவர்

– பெர்க்லி பல்கலையில் தமிழ் ஆய்வு இருக்கை ஏற்படுத்திய தமிழறிஞர்
– உலக இஸ்லாமியத் தமிழ் இலக்கிய மாநாட்டை நடத்திய இஸ்லாமியத் தமிழர்
– தமிழ் இலக்கியச் சங்கப் பலகைகுறள்பீடத்தில் பணியாற்றிய சங்கையாளர்
– ஆட்சி மொழிக் குழுவில் ஆலோசகராகப் பணியாற்றிய செம்மொழியாளர்

– உருது மொழிக்குழுவில் பணியாற்றிய உறுதியானவர்
– தமிழ்மொழி மேம்பாட்டு வாரியத்தில் பணியாற்றிய பண்பாளர்
– இஸ்லாமிய இலக்கியக் கழகத்தின் நெறியாளர்.
– தமிழ் நாடு வக்பு வாரியத்தின் தகுதி மிகு தலைவர்

– திருக்குர்ஆனையும், திருநபி மொழிகளையும் தமிழால் திக்கெட்டும் பரவச் செய்யும் இறையடியார்

கவிக்கோ கருவூலத்தில் இடம்பெற்ற என் வார்த்தைகள்

About admin

Check Also

வாழ்த்துச் செய்தி

வாழ்த்துச் செய்தி இஸ்லாமிய இலக்கிய கழகத்தின் புதிய நிர்வாகிகளாக தேர்வு செய்யப்பட்டுள்ள குவைத் தமிழ் இஸ்லாமியச் சங்கத்தின் சிறப்பு விருந்தினர்களுக்கு ...

Leave a Reply

Your email address will not be published. Required fields are marked *